"Болашаққа бағдар: Рухани жаңғыру" бағдарламасы

Мектебімізде "Болашаққа бағдар: Рухани жаңғыру" бағдарламасы аясында Қазақстан Республикасының халық - ағарту ісінің үздігі, "Мәдениет қайраткері" белгісінің иегері, Іле ауданының құрметті азаматы, халық ақыны, сазгер Кенен атамыздың қызы - Төрткен Кененқызымен және немере қызы Баян Тұрлықызымен "Асылдың сынығы, әке өнерінің мұрагері" атты тақырыпта кездесу кеші ұйымдастырылды. Кездесудің мақсаты: оқушыларды ақын Төрткен Кененқызының шығармашылығымен таныстырып, кіші буын жастарға патриоттық рух беріп, адамгершілік қасиеттерге баулу. ақын өлеңдері арқылы халқына, тілге, Отанға деген сүйіспеншілік сезімдерін ояту. Кездесу кезінде Төрткен апамыз оқушыларға әкесінің, өзінің өмір жолдарын тоқтап, өлең жолдарын оқып, ән шырқап берді. Оқушыларымыз да Кенен атамыздың өлеңдерін, арнау өлеңдерін оқып, кhouseшертіп, ән шырқап, би биледі. Кеш соңында Төрткен апамыз оқушыларға батасын беріп, мектеп ұжымына алғысын айтып, кітаптарын тарту етті.